- Подробности
- Автор: Super User
- Категория: Основы
- Опубликовано: 19 Июнь 2022
- Просмотров: 475
Молитва Иулиану Кеноманийскому о здравии
О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Иулиане,
предстоя у Престола всех Царя и наслаждаяся света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце,
моли спастися паствы Христовы людем, благостояние святых церквей утверди:
архиереи благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани,
и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри,
вдовицы помилуй, сироты заступи, младенцы возрасти, пленных возврати, немощствующыя и молящияся тебе от всех напастей и бед ходатайством твоим свободи:
моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков.
Аминь.
Молитва Иулиану Кеноманийскому об исцелении дитя
Святителю отче Иулиание, нетлением честных мощей твоих и многими благодеяниями, чудесно содеянными и содеваемыми тобою с верою к тебе притеклющим,
уверившеся, яко имаши велию благодать у Господа Бога нашего, всесмиренно приподаем вси и молимся тебе:
Моли о нас Христа Бога нашего, да ниспошлет всем, чтущим святую память твою и усердно к тебе прибегающим, богатыя милости Своя:
да утвердит во святей Своей православной Церкви живый дух правыя веры и Благочестия, дух ведения и любве, дух мира и радости о Духе Святе, да вси члены ея,
чисты от мирских искушений и плотских похотей и злаго действия злых духов, духом и истиною поклоняются Ему и усердно пекутся о соблюдении заповедей Его ко спасению душ своих — Пастырем ея да даст святую ревность попечения о спасении людей,
им вверенных, да неверующих просветят, неведущих наставят, сомневающихся вразумят и удостоверят, отпадших от православныя Церкве обратят в святыя недра ея,
верующих соблюдут в вере, грешных подвигнут к покаянию, кающихся утешат и укрепят в исправлении жизни, раскаявшихся и исправившихся утвердят в святости жизни:
и тако всех введут указанным от Него путем в уготованное вечное царство святых Его.
Ей святителю Божий, да устроиши молитвами твоими вся благая душам и телесам нашим:
да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков.
Аминь.
Да благословит нас и сохранит Всемогущий и Милосердный Бог Отец, Бог Сын, Бог Дух Святый.
О сладчайший Иисусе Христе, Всемогущий Царю Неба и земли, Сыне Бога Давидова, Иисусе Назарее, нас ради распятый на Кресте, смилуйся над нашей обителью (нашим домом), храни живущих в ней.
Да будет Твое благословение, Господи, сопутствовать нам везде, да освятит Дух Святый мысли и сердца наша: Всемогущество Его везде, во всяком месте: все, что находятся в нашей обители (нашем доме), кто к нам входит и выходит от нас, да благословит Пресвятая Троица и сохранит от всякого зла, чтобы ничто не чистое не приблизилось к нам.
Имя Господа Иисуса Христа с девятью чинами Ангелов да будет в сей обители и даст ей свой покой. Да покроет Своим Материнским Покровом Пресвятая Дева Мария, да охраняют Святые Апостолы: благополучие ея да утвердят и укрепят Святые Евангелисты. Крест Господа нашего Иисуса Христа да будет кровлей ей, гвозди Господа нашего Иисуса Христа да будут ея защитой; венец Господа нашего Иисуса Христа да будет ея покровом. Пресвятая Дева Мария, Святый праведный Иосиф и вси святии, Ангелы Хранители, умолите Господа Иисуса Христа, Единаго от Святыя Троицы, да сохранит сию обитель от грома, молний, огня, града, наводнения, нападения злых людей, нужды, неверия, ереси, войны и всякого несчастия, грозящего душе и телу: в чем да поможет нам Бог Отец, Бог Сын, Бог Дух Святый. Аминь.
Сподоби, Господи, в день сей без греха сохранитися нам.Буди, Господи, милость Твоя на нас, якоже уповахом на Тя. Господи, на Тя уповаем, да не постыдимся во веки. Аминь.
О Всемилостивая Госпоже, Дево Богородице! Вонми смиренному молению нашему: (просьба) и вознеси к Сыну твоему и Богу нашему матернее Твоё моление о рабах Божих (имена) живущих в доме сем , да не отвержит их грешных от лица Своего, но яко Милостив, да простит им согрешения их вольная и невольная, да сохранит от соблазнов мира, от козней дьявольских и от нападений видимых враг, да сотворит их дни благи и безмятежны, яко благ Господь ко всея твари, со Отцем и Святым Духом, славимый во веки веков. Аминь.
Икона Святитель Иулиан Кеноманийский, епископ
Преп. Бригите, игумении Кильдарской
Святая Бригита покровительствует врачам, детям, роженицам...
Тропарь, глас 1:
Кондак, глас 4:
Преп. Бригита, игумения Кильдарская
- << Назад
- Вперёд