Молитва вторая

Преподо́бнии и богоно́снии отцы́ на́ши Анто́ние и Феодо́сие и вси преподо́бнии Пече́рстии, свети́ла земна́я пресве́тлая, от те́мных мест пеще́рных в земли́ Росси́йстей сла́вно просия́вший и сию́ мно́гими светоза́рными ангелонра́внаго ва́шего жития́ звезда́ми онебе́сившии, всю же вселе́нную высо́ких доброде́телей светлостьми́ и чуде́с Боже́ственных блиста́ньми удиви́вший! Се вы ны́не, сме́ртным за́падом пло́тски на вре́мя во гроб заше́дше, душа́ми со Христо́м, Со́лнцем пра́вды, пребыва́ете, и су́ще пра́ведницы, просвеща́етеся я́ко со́лнце во Ца́рствии Небе́снем. Та́мо у́бо моли́твенныя ва́ша к Бо́гу Све́ту лучи́ в оте́честве свое́м простира́юще, не забыва́йте и ны, при́сныя ва́ша моли́твенники, а́ще и в нощи́ страсте́й и скорбе́й пребыва́ющим, свы́ше благода́тными призира́ти осия́нии. Я́ко да во све́те доброде́тельнаго ва́шего жития́ правоходя́ще, сподо́бимся зре́ти свет неприкоснове́нные сла́вы Бо́жия, хваля́ще Его́ ку́пно с ва́ми в несконча́емыя ве́ки веко́в. Ами́нь.

Величание

Велича́ем вас,/ преподо́бнии отцы́ на́ши Пече́рстии,/ и чтим святу́ю па́мять ва́шу,/ вы бо мо́лите о нас// Христа́, Бо́га на́шего.

 Молитва о восстановлении мира

С Днем Крещения Руси и Святого равноапостольного Великого князя Владимира!

Киево-Братская икона БОЖИЕЙ МАТЕРИ

Каплуновская икона Божией Матери

Владимирский собор в Киеве, расписанный Виктором Васнецовым

Фреска русского художника Виктора Михайловича Васнецова «Крещение Руси»

Храм в честь святого князя Владимира в Московском районе Тушино

Преподобный Паисий Киевский, Христа ради юродивый

• < Назад
• Вперёд >